Hugtakið áhrifastærð er í raun afstætt hugtak. Það hvað Cohens d stendur fyrir í misjöfnum einingum er afstætt. Þegar notast er við viðmið Cohens um lítil, miðlungs og mikil áhrif verður alltaf að hafa í huga að ekki er um náttúrulögmál að ræða og lítill áhrif í einni rannsókn, eru kannski talin ágæt áhrif í annarri. Cohen nefnir þessu til skýringar að d = 0,2 telst lítill munur, en er samt sambærilegt við þau áhrif sem koma fram á muninum á meðalhæð 15 og 16 ára stúlkna. Áhrifastærð af þessari stærðargráðu er nokkuð algeng í sálfræðilegum rannsóknum sem eru oft ekki að rannsaka vel skilgreinanleg fyrirbæri. Þessi viðmið þjóna því hlutverki aðgerðarbindingar og ber að notast sem slík, með tilliti til þess sem verið er að rannsaka hverju sinni.

Sem dæmi má nefna að ef við erum með tvo hópa í rannsókn á nýju lyfi við alnæmi, A (meðferðarhóp) og B (samanburðarhóp). Áhrifastærð rannsóknarinnar er d = 0,20, lítil áhrif samkvæmt viðmiðum Cohens. Hægt væri að túlka niðurstöðurnar á nokkra vegu. Hægt væri að segja að það að meðferð er beitt hefur einungis litlu meiri áhrif umfram það að engri meðferð er beitt. En þegar litið er á þá staðreynd að um alnæmi er að ræða og að einhver hluti sjúklinganna í meðferðarhópnum hafi hlotið bættari líðan myndi túlkunin eflaust breytast mikið í kjölfarið. Notkun nýja lyfsins leiddi til þess að sjúklingar í meðferðarhópnum hafi verið 0,20 staðalfrávikum hærri en meðaltal samanburðarhópsins. Önnur leið við túlkunina væri að segja að munurinn væri einn fimmti af ( 1,0 / 0,20 = 5) staðalfráviki samanburðarhópsins. Eða að segja að 15 (85% - 100) dreifingar hópanna tveggja væru ólíkar. Meta verður í hverju tilfelli fyrir sig hvernig skiljanlegast og skýrast er að túlka niðurstöður um d. Í þessu tilfelli var um lítil áhrif að ræða en mikilvægt málefni þar sem kröfur um áhrif eru ekki jafn miklar og kannski annarsstaðar.

Sjá dæmi um útreikning á d

Hvað er átt við með áhrifum?

Af hverju eru áhrifastærðir staðlaðar?

Hvað hefur áhrif á áhrifastærðir?

Þrjár aðferðir til að meta áhrif eru aðleiðsla, afleiðsla og viðmið Cohens

Aðferðir við útreikninga á Cohens d

© 2003 sigurlín Hrund Kjartansdóttir