Áhrifastærð sem staðlaður mælikvarði

Ein ástæðan fyrir því að við viljum staðla mun á milli mælinga er sú að með því er hægt að setja hana í skiljanlegra form. Það á ekki alltaf við að hægt sé að finna mun á milli tveggja hópa með einföldum frádrætti. Hóparnir geta hafa mælitölur sem tilkomnar eru frá ólíkum úrtökum, ólíkum rannsóknum og ólíkum prófum. Með því að staðla muninn fæst því skiljanlegri niðurstaða úr útreikningunum.

Ameríska sálfræðingafélagið APA (American Psychological Association) hefur nýlega sett fram reglur um hvernig eigi að birta mælitölur um áhrifastærð (Howell, 2001). Þeir mæla með því að tölur um áhrifastærð séu birtar þegar mælitölurnar sem notaðar eru í rannsókninni hafa enga eiginlega merkingu. Þegar um merkingarbærar einingar er að ræða er ekki talið nauðsynlegt að birta niðurstöður um staðlaðar áhrifastærðir. Sem dæmi um þetta má nefna að fimm stiga munur á greindartölu er merkingarbær munur fyrir flestum og væri þá óþarfi samkvæmt APA að tilkynna áhrifastærð fyrir þess konar mun. En 12 stiga munur á Sillas scale of Worddysfunction disorder er ekki jafn merkingarbær munur þar sem ekki er um vel þekkt próf að ræða og enginn veit neitt um hvort það er mikill munur eða ekki.

Það má ekki gleyma því að það var einungis nýlega sem farið var að taka inn reikninga á áhrifastærðum í sálfræðilegum rannsóknum. Það kom til vegna þess að menn fóru að gera sér ljóst að eingöngu prófun á núlltilgátunni gæfi ekki svo ýkja miklar upplýsingar. Jakob Cohen er einn af þeim mönnum sem var helsti áróðursmaðurinn fyrir því að mælingum myndu fylgja vísbendingar um áhrif niðurstaðna í tilraunum. Það var hann sem kom fram með mælieininguna d eða Cohens d, eins og hún er oftast kölluð í tengslum við útreikninga á áhrifastærð. Cohen setti einnig fyrstu manna fram tillögur um hvað teldust mikil, miðlungs eða lítil áhrif. Tilgangur hans var þó einungis sá að gefa mönnum eitthvað til að miða við en ekki að setja fram einhlítar reglur. En staðan er sú að margar leiðir eru færar við túlkun áhrifa sem og við útreikninga þeirra.

Hvað er átt við með áhrifum?

Hvað hefur áhrif á áhrifastærðir?

Þrjár aðferðir til að meta áhrif eru Aðleiðsla, afleiðsla og viðmið Cohens

Dæmi um útreikning á Cohens d