Ef við erum með breytu sem fær gildin 3, 4, 5, 6 og 7 hjá fimm einstaklingum þá er meðaltal hennar 5. Til þess að reikna út kvaðratsummuna þarf að draga meðaltalið frá hverju gildi. Svo er það sett í annað veldi og lagt saman.

Ef meðaltalið er dregið frá fyrstu fjórum gildunum þá getum við gefið okkur hvað seinasta gildið er. Í þessu tilfelli væri þetta gert svona: 3−5= −2, 4−5= −1, 5−5= 0 og 6−5= 1. Ef tölurnar eru lagðar saman fæst: −2−1+0+1= −2. Með þessum upplýsingum er hægt að reikna hvert seinasta gildið er því að summan er ávallt 0. Þannig að X−2= 0 verður X= 0+2 og því er X= 2.

Í þessu tilfelli þurfti að þekkja 4 gildi á breytunni til þess að geta reiknað út kvaðratsummuna. Frígráðurnar eru því 4.

Ef önnur breyta hefur sömu gildi er hægt að reikna frígráðurnar eins út og sama niðurstaða fæst. Þá er einnig hægt að finna frígráðurnar fyrir báðar breyturnar. Það er gert einfaldlega með því að leggja saman frígráðurnar fyrir breytu 1 og breytu 2. Í þessu tilfelli væru frígráðurnar 4+4=8.

© 2004 Þórður Örn Arnarson