Kerfisbundin frávik frá beinni línu á normalriti gefa vísbendingu um að gögn séu ekki normaldreifð. Frávillingar sjást þannig að punktar á normalritinu birtast langt frá heildarmynstri ritsins.

Dæmi um möguleg frávik frá normaldreifingu eru skekktar dreifingar, dreifingar með langa hala, marga frávillinga og dreifingar sem eru s laga á normalriti. Hér fyrir neðan má sjá á myndritum ýmis dæmi um frávik frá normaldreifingu.

Jákvætt skekkt dreifing

Mynd 1. Normalrit af jákvætt skekktri breytu.

Mynd 2. Önnur jákvætt skekkt breyta.

Á myndum 1 og 2 má sjá jákvætt skekktar/vinstri skekktar dreifingar. Það sem einkennir þær er langur hægri hali dreifingar.

Jákvæða skekkju má greina með því að draga línu í gegnum lægri gildi dreifingarinnar. Hærri gildin falla þá augljóslega fyrir neðan þá línu.

Neikvætt skekkt dreifing

Mynd 3. Normalrit af neikvætt skekktri breytu.

Mynd 4. Önnur neikvætt skekkt breyta.

Myndir 3 og 4 sýna neikvætt skekktar/hægri skekktar dreifingar. Það sem einkennir þær er langur vinstri hali dreifingar.

Neikvæða skekkju má einnig finna með því að draga línu í gegnum lægri gildi dreifingarinnar og þá sést greinilega hvernig hærri gildin falla fyrir ofan þá línu.

Frávillingar

Mynd 5. Frávillingar

Mynd 6. Frávillingar

Á myndum 5 og 6 getur að líta dreifingar sem báðar fela í sér frávillingar. Á mynd 4 eru tveir lágir frávillingar og fjórir háir. Á mynd 5 er einn hár frávillingur auk þess sem nokkrir lágir frávillingar virðast vera í gögnunum auk þess sem hali dreifingarinnar er langur og víkur verulega frá línunni.

© 2004 Þrúður Gunnarsdóttir