ANOVA_b

F-prófið og sig.

F- prófið og p- gildið gefa upplýsingar um hvort heildarlíkanið í aðfallsgreiningunni er marktækt.

Túlkun: Í dæminu hér að ofan er F- gildið mjög hátt (130,075) og p- gildið sýnir að áhrif breytunnar í líkaninu eru marktæk (0,000). Þetta er túlkað á sama hátt og önnur marktektarpróf. Ef engin tengsl eru á milli frumbreytunnar og fylgibreytunnar í þýði eru minna en 0,1% líkur á svona sterkum tengslum í úrtakinu. Þessi niðurstaða er sett fram á eftirfarandi hátt:

F (1, 1135) = 130,1, p < 0.01

Heildarlíkanið í aðfallsgreiningu getur verið marktæk þrátt fyrir að ekki séu allir hallastuðlar marktækir. Þegar þetta er raunin er ekki tilefni til að örvænta því samanlögð áhrif allra breytanna gefa heildaráhrif þeirra sem geta vel verið frábrugðin áhrifum einstakra hallastuðla.

Þannig má t.d. líta svo á að ef nokkrir nemendur koma saman til að leysa verkefni þá er sá möguleiki fyrir hendi að hver þeirra hafi eitthvað fram að færa sem eykur á líkurnar fyrir því að verkefnið verði leyst. Það er hins vegar ekki víst að allir sem unnu að verkefninu hafi getað leyst það á farsælan hátt ef þeir hefðu unnið að því sem einstaklingsverkefni.

Þetta merkir að þegar litið er á heildaráhrif línulega líkansins er verið að skoða ákveðið samspil breyta sem kemur fram við þessar ákveðnu aðstæður. Því er ekki alltaf gott að einblína umhugsunarlaust á útkomu alsherjarprófsins (F) heldur þarf líka að skoða hvað stendur að baki niðurstöðunnar. Hentugast er að gera það með því að skoða einnig sértæk áhrif hverrar frumbreytu í Coefficient töflunni.

© 2003 Sigríður Karen Bárudóttir