Úrtaksstærð eða fjöldi þátttakenda, skiptir máli þegar afköst t-prófs eru metin. Fjöldi þátttakenda er breyta í flestum þeim jöfnum sem notaðar eru til að reikna út áhrifastærðir og afköst. Engar þumalputtareglur eru til um fjölda þátttakenda aðrar en þær að jafn fjöldi ætti að vera í hópum.
Þá skiptir máli að valið hafi verið í hópa með tilviljunaraðferð til að tryggja eins vel og kostur er að normaldreifing í þýði haldi sér í úrtaki.
Eitt af því sem gerist þegar þátttakendum fjölgar er að dreifni í úrtakinu lækkar. Þetta skiptir máli vegna þess að dreifni í þýði er sjaldnast þekkt þegar t-próf eru reiknuð. Hins vegar er hægt að reikna dreifni úrtaks og eftir því sem fleiri þátttakendur eru í úrtaki lækkar hún.



Eftir því sem dreifni er lægri aukast afköst tölfræðilegra prófa og því getur verið fýsilegt að fjölga þátttakendum í rannsókn til að auka afköst hennar og oft er það einfaldasta leiðin.
Nánar um útreikning afkasta.

© 2003 Pétur Maack Þorsteinsson