Kassarit sýnir dreifingu leifarinnar með áherslu á hala hennar. Stærð kassans gefur til kynna breidd fyrir þann helming gilda sem eru næst miðju. Línan í kassanum gefur til kynna hvort þessi miðjudreifing er skekkt. Skeggin sýna breidd og lögun í hölum dreifingarinnar. Þá eru fráviksgildi sýnd með stjörnum og hringjum.

Með því að nota kassarit til að skoða leifina getum við athugað:

1. Lögun dreifingar
2. Staðsetningu dreifingar
3. Breidd dreifingar
4. Frávillinga

Lögun

Normaldreifing.

Mynd 1.1.

Ef að skeggin eru jafnlöng eða örlítið lengri en kassinn sjálfur, línan sem sýnir miðju dreifingarinnar nokkurnveginn staðsett í miðju kassans og skeggin sjálf nokkurnveginn jafnlöng þá má segja að leifin sé normaldreifð (sjá mynd 1.1)

Mynd 1.2. Jákvætt skekkt dreifing.        Mynd 1.3. Neikvætt skekkt dreifing.

Ef að efra skeggið er mun lengra en það neðra og línan sem sýnir miðju dreifingarinnar er neðarlega í kassanum þá er dreifing leifarinnar jákvætt skekkt (sjá mynd 1.2). Ef að neðra skekkið er mun lengra en það efra og línan sem sýnir miðju dreifingarinnar er ofarlega í kassanum er dreifing leifarinnar neikvætt skekkt (sjá mynd 1.3). Mynd 1.4. sýnir U laga dreifingu.

Mynd 1.4. U laga dreifing.

Staðsetning

Mynd 1.5.                                             Mynd 1.6.

Strikið sem er þvert yfir kassan sýnir miðju dreifingarinnar, sem í þessum tveim tilvikum er 8 (sjá mynd 1.5) og 12 (sjá mynd 1.6).

Breidd

Mynd 1.7.                                              Mynd 1.8.

Kassarit er hentugt til að skoða breidd dreifingar. Þannig er á einfaldan og fljótlegan hátt hægt að athuga einsleitni leifarinnar, þ.e. hvort að leifin dreifist eins yfir alla hópa. Ef dreifingin í kringum miðjuna er lítil verður kassinn á ritinu lítill (sjá mynd 1.7). Því meiri sem dreifingin í kringum miðjuna er því stærri verður kassinn á ritinu (sjá mynd 1.8). Það er líka mögulegt að athuga einsleitni leifarinnar með því að nota mælitölur. Breidd dreifingar er t.d. stundum hægt að meta með staðalfrávikum. Yfirleitt er munur á hæsta og lægsta staðalfráviki skoðaður. Almenn þumalfingursregla þar er að stærsta staðalfrávikið sé ekki meira en tvisvar sinnum stærra en það minnsta. Það er fundið út með því að deila stærra staðalfrávikinu í það minna.

Mynd 1.9 sýnir misleitna dreifingu leifar:

Mynd 1.9.

Ef að dreifing leifarinnar væri einsleit í öllum hópum væru kassarnir allir svipaðir að stærð.

© 2004 Auður Eiríksdóttir