Kennarar

Guðmundur B. Arnkelsson og Anton Örn Karlsson

Stoðkennarar: Berglind Sigmarsdóttir, Bára Elísabet Dagsdóttir og Daney Harðardóttir

Kennsla

Mánudagar kl. 11⁵⁰–12²⁰ í sal 105 á Háskólatorgi.

Þriðjudagar kl. 8²⁰–9⁵⁰ í sal 105 á Háskólatorgi

Stoðtímar: Að jafnaði á þriðjudögum kl. 11⁴⁰ í sal 105 á Háskólatorgi en miðvikudagana 10., 17., 24. og 31. október kl. 12³⁰ í sal 104 á Háskólatorgi, sjá nánar í dagskrá fyrirlestra.

Lesefni

Moore, D.S., McCabe, G.P., & Craig, B. (2017). Introduction to the practice of statistics (9. útgáfa). New York: Freeman.  

Fabrigar, L. R., & Wegener, D. T. (2011). Exploratory factor analysis. Oxford: Oxford University Press.  

Annað lesefni kann að vera tilkynnt síðar.

Þjálfunarkröfur

Þú þarft að ljúka eftirfarandi verkefnum með viðunandi árangri til að ljúka námskeiðinu.

• Þrjú skilaverkefni eru í námskeiðinu og þarf að skila þeim öllum vel unnum og á réttum tíma. Tveir nemendur eru um hvert skilaverkefni. Athugaðu: Þú mátt aðeins vinna skilaverkefni tvisvar með sama nemanda. Verkefnum er skilað á APA-formi, þ.e. með Inngangi, Aðferð, Niðurstöðum og Umræðu.
• Þrír dæmatímar eru á miserinu. Í tengslum við þá þarf að skila reiknuðum dæmum eða öðrum verkefnum.

Skilaverkefnum skilar þú í TurnitIn kerfi Háskólans þar sem þau eru borin saman hvert við annað og við verkefni fyrri ára. Auk þess skilar þú þeim á pappír til yfirferðar.

Námsmat

Námskeiðseinkunn ræðst af frammistöðu á efnisspurningum í kennslustund, dæmatímum, skilaverkefnum og lokaprófi.

• Frammistaða í tengslum við dæmatíma námskeiðsins sem vegur samtals 15% í lokaeinkunn námskeiðsins.
• Frammistaða við þrjú skilaverkefni misserisins sem vega samtals 30% í lokaeinkunn námskeiðsins.
• Lokapróf á próftímabilinu. Einkunn fyrir það vegur 55% af lokaeinkunn námskeiðsins.

Við mat á skilaverkefnum er sérstaklega litið til þess hversu sjálfstæður texti úrlausnarinnar er gagnvart öðrum verkefnum, glærum námskeiðsins, kennsluefni sem er lagt fram, texta á vefnum eða netinu og öðrum slíkum textum. Umtalsverð skörun við aðra texta hefur áhrif á þá hámarkseinkunn sem verkefni getur fengið auk þess sem lítil skörun verður til þess að einkunn viðkomandi úrlausnar hækkar lítillega. Sjá nánari umfjöllun í kennslustund.

Fyrning verkefna

Meginregla námskeiðsins er að einkunnir fyrir skilaverkefni og önnur verkefni á kennslutímabilinu fyrnast þegar námskeið hefst að nýju. Nemendum er engu að síður heimilt að nota eldri höfundarverk sín við úrlausn nýrra verkefna í námskeiðinu. Ef eldra verk hefur verið unnið með öðrum nemanda, ber að breyta orðalagi og framsetningu í þeim mæli að ekki fari milli mála að niðurstaðan sé eigið höfundarverk; einnig þarf að tilgreina á forsíðu uppruna og tilurð verkefnisins.

Hagnýting á höfundarverki annarra eða önnur óheiðarleg eða óviðeigandi akademísk vinnubrögð eru eftir sem áður óheimil.

Skilaverkefni breytast á milli ára, eftir atvikum lítillega eða í grundvallar­atriðum. Sérstaklega breytast gagnaskrár gjarnan á milli ára. Það er á ábyrgð nemenda að gaumgæfa slíkar breytingar og byggja úrlausnir ekki á eldri verkefnislýsingum eða gögnum.

Fyrirvarar

Allar upplýsingar eru veittar með venjulegum fyrirvara. Dagskrá, námsmat og aðrir þættir námskeiðsins geta breyst þegar líður á veturinn. Upplýsingunum er þó ætlað að gefa skýra og sem réttasta mynd af námskeiðinu í þeim tilgangi að auðvelda þér námið.

Ýmis mikilvæg atriði eru tilkynnt munnlega í kennslustund. Við gerum ráð fyrir að nemendur mæti í allar kennslustundir eða leiti upplýsinga hjá samnemendum.

Dagskrá fyrirlestra

Dagskrá námskeiðsins gæti tekið einhverjum breytingum, sérstaklega dagsetningar stoðtíma. Hafðu núverandi dagskrá til hliðsjónar þegar þú skipuleggur misserið en gerðu þó ráð fyrir því að einhverjar breytingar gætu verið tilkynntar, sérstaklega á fyrstu tveimur kennsluvikum misserisins.

Athugið! Stoðtímar í 6. – 9. kennsluviku hafa færst fram á miðvikudag kl. 12:30: Sjá stundaskrá hverrar viku fyrir sig í Uglu!

MMC: Moore, McCabe & Craig

© 2018 Guðmundur B. Arnkelsson (Síðast breytt 22. október 2018)