Kristín Huld Gunnlaugsdóttir og Þórhalla Gunnarsdóttir
Blindir og sjónskertir

Þjónustumiðstöðvar

Sjónstöð Íslands

Sjónstöðin skiptist í fimm megindeildir:

• Augnskoðunardeild, þar er sjón athuguð og metin með hliðsjón af því hvers konar meðferð muni henta best.
• Endurhæfingardeild, þar fer umferliskennsla fram og notkun hvíta stafsins. Hún felst í því að einstaklingurinn læri að ferðast um á eigin spýtur innan dyra sem utan. Einnig er blindum og sjónskertum kenndar athafnir daglega lífsins, ADL, til þess að einstaklingurinn verið sem mest sjálfbjarga og fær um að bjarga sér og nota þau hjálpartæki sem nauðsynleg eru.
• Sjónþjálfunardeild, þar fá menn viðeigandi sjónhjálpartæki sem stækka mynd, svo sem kíkisgleraugu, stækkunargler og sjónauka. Fólk er þjálfað í notkun tækjanna svo að þau komi að tilætluðum notum.
• Augnsmíðastofa, þar eru gerviaugu búin til og mátuð.
• Gleraugnaverkstæði, þar eru útbúin sérsmíðuð sjónhjálpar- og kíkisgleraugu.

Blindradeildin

Starfsemi blindradeildarinnar er fjórþætt:

• Kennsla og þjálfun nemenda á grunnskólaaldri.
• Ráðgjöf til handa blindum og sjónskertum í öðrum skólum, einnig aðstandendum þeirra og kennurum.
• Ráðgjöf til handa blindum börnum á forskólaaldri, aðstandendum þeirra og starfsfólki forskóla.
• Ráðgjöf til handa framhaldsskólanemendum og kennurum þeirra.

Í Blindradeildinni er kappkostað svo sem auðið er að nemendur séu úti í almennum bekk. Fyrst í fylgd með blindrakennarar en eftir því sem þau börnin eldast, þroskast og verða færari fjölgar þeim stundum sem þau eru án aðstoðar. Inn í sjálfri deildinni er þeim kennt blindraletur og ýmsar uppsetningar þess, fá þjálfun í ADL (athöfnum daglegs lífs), umferli og notkun hvíta stafsins. Einnig fá nemendur aðstoð við heimanám.

©1996