Aðferðafræði II 10.05.03

Yfirlit yfir námsefni og kennslu vorið 2004

Kennari

Guðmundur B. Arnkelsson

Stoðkennarar

Hafrún Kristjánsdóttir og Þrúður Gunnarsdóttir

Tölvukennsla

Tilkynnt síðar

Sjálfsnám

Margrét Lilja Guðmundsdóttir

Fyrirlestrar

Þriðjudagar 8⁴⁰–10⁴⁵ í sal 1 í Háskólabíó

Fimmtudagar 8⁰⁰–9¹⁵ í sal 1 í Háskólabíó

Stoðtímar

Tilkynnt síðar

Tímasetning stoðtíma er breytileg. Flestar kennsluvikur verður boðið upp á fjóra tíma en stundum fleiri eða færri. Fyrirkomulag verður kynnt nánar síðar.

Tölvutímar

Skráning í kennslustund. Tilkynnt síðar. Fylgstu með tilkynningum á heimasíðu námskeiðsins.

Lesefni

• Agresti, A., & Finlay, B. (1997). Statistical methods for the social sciences (3. útgáfa). Upper Saddle River, NJ: Prentice Hall.
• Kohout, F.J. (1986). Statistics for social scientists: A coordinated learning system. Malabar, Fl: Robert E Krieger Publ. Co.
• Guðmundur Arnkelsson og Þorlákur Karlsson (2002). Stoðkver í Aðferðafræði II: Verkefni og efnisspurningar. Reykjavík: Háskóli íslands.
• Ýmislegt efni og upplýsingarit á vefsvæði námskeiðsins

Stuðningsrit

• Guðmundur B. Arnkelsson (2000). Orðgnótt: Orðalisti í almennri sálarfræði (4. útgáfa). Reykjavík: Háskólaútgáfan.

Heimasíða

Heimasíðu námskeiðsins má finna á veffanginu www.gba.is/adf2. Þar finnur þú ýmis konar efni tengt námskeiðinu samanber eftirfarandi liði.

• Námsáætlun fyrir hvern þriðjung námskeiðsins fyrir sig með yfirlit yfir námsefni og verkefni.
• Afrit af öllum glærum í námskeiðinu.
• Heimaverkefni (skilaverkefni) fyrir hvern þriðjung námskeiðsins fyrir sig.
• Próflýsing fyrir hvort hlutapróf fyrir sig og fyrir lokapróf.
• Svör við algengum spurningum nemenda.
• Gagnlegar vefsíður í tengslum við töl- og aðferðafræði.
• Annað efni tengt námskeiðinu.

Námsmat

• Skriflegt þriggja tíma lokapróf úr lesefni og fyrirlestrum. Prófeinkunn gildir 60%–75% af lokaeinkunn námskeiðsins eftir vægi hlutaprófa.
• Tvö hlutapróf á kennslumisserinu sem gilda 15–30% eftir því hvort kemur sér betur fyrir nemanda. Hærra prófið gildir alltaf 15% af lokaeinkunn námskeiðsins. Lægra prófið vegur einnig 15% ef slíkt leiðir til hækkunar á lokaeinkunn nemanda; að öðrum kosti fellur einkunn þess niður.
• Eitt próf í notkun tölfræðiforritsins SPSS sem gildir 10% af lokaeinkunn.
• Skriflegt heimaverkefni. Þeim skal skilað með réttri úrlausn til stoðkennara og fær nemandi þau þá yfirfarin til baka.
• Heimaverkefni í tölvutímum. Þeim skal skilað með réttri úrlausn til tölvutímakennara.Skil heimaverkefna í tölvutíma eru forsenda þess að fá einkunn og ljúka námskeiðinu.

Fyrirkomulag prófa

• Miðað er við að hvort hlutapróf sé tvær og hálf klukkustund (150 mínútur) og lokaprófið 3 klukkustundir.
• Prófin samanstanda af einföldum útreikningum og spurningum sem krefjast stutts skriflegs svars. Stuttsvarsspurningar munu reyna á dæmareikning svo og þekkingu, skilning og beitingu námsefnisins.
• Engin hjálpargögn eru heimil í hluta- eða lokaprófi. Þó er ætlast til að þú komir með reiknivél. Óheimilt er að hafa kennslubækur, dæmakver, minnismiða, tímaglósur eða önnur slík gögn.
• Prófin miðast við að þú hafir reiknivél.
• Skila þarf læknisvottorði vegna forfalla í hlutaprófum.

Próftökuréttur

• Lokið sé við a.m.k. annað af tveimur hlutaprófum. Ekki er krafist lágmarkseinkunnar í hlutaprófum.
• Prófi í SPSS sé lokið.

Kennsla og aðstoð við nemendur

• Fyrirlestrar á fyrrgreindum stað og tíma.

• Efni fyrirlestra skiptist í lýsandi tölfræði og ályktunartölfræði. Fyrstu fjórar vikurnar verður áherslan á mælitölur á tengsl breyta. Næstu fjórar vikur verður fjallað um grunnhugtök ályktunartölfræði, öryggisbil og ályktanir í einum hópi. Síðustu fjórar vikurnar verður áherslan á ályktunum í tveimur hópum, í krosstöflum og á nokkrum mikilvægum atriðum í ályktunartölfræði og aðferðafræði.
• Byggt er ofan á efnið í Aðferðafræði I, farið dýpra í fylgnireikninga, gerð grein fyrir grunnatriðum líkindafræði, fjallað um ályktunartölfræði og gerð grein fyrir nokkrum mikilvægum mælitölum. Miðað er við að nemendur geti sýnt fram á bæði þekkingu og skilning á efninu, geti beitt kunnáttu sinni meðal annar reiknað mælitölurnar og framkvæmt þau tölfræðilegu próf sem byggjast á þeim jafnt á blaði og með tölfræðiforritinu SPSS.

• Stoðtímar, tilkynntir síðar

• Í stoðtímum fá nemendur leiðsögn og aðstoð í tengslum við nám sitt í námskeiðinu. Leita má til stoðkennara með fyrirspurnir í tengslum við námsefnið, aðstoð við lausn verkefna, auk annarrar aðstoðar sem tengist námskeiðinu.
• Gefin eru upp verkefni úr dæmakveri og kennslubók í tengslum við fyrirlestra. Einnig býðst þeim að skila sérstökum heimaverkefnum og fá þau yfirfarin til baka.
• Gert er ráð fyrir u.þ.b. 11 stoðtímum fyrir hvern nemanda á misserinu. Þeim er dreift á misserið í samræmi við ætlaða eftirspurn nemenda.

• Tölvutímar, tilkynntir síðar

• Í þriðju viku febrúarmánaðar hefjast tölvutímar þar sem nemendur fá leiðbeiningar og verkefni til að stuðla að nauðsynlegri færni í tölfræðiforritinu SPSS. Hver nemandi mætir sex sinnum og leysir úr sérstökum þjálfunarverkefnum. Í lokin er próf í notkun SPSS. Sett verða fyrir einföld heimaverkefni í SPSS. Rétt leyst heimaverkefni eru forsenda þess að taka tölvupróf.

• Fyrirspurnir og svör á veraldarvefnum

• Á heimasíðu námskeiðsins er Spurt og svarað. Þar má finna innsendar spurningar frá nemendum og svör kennara við þeim.
• Nemendur eru hvattir til að senda inn fyrirspurnir og verður reynt að svara þeim bæði fljótt og vel.

Námsþættir fyrirlestra

Í fyrirlestrum verður fjallað um þrjá meginefnisþætti. Tveimur fyrstu efnisþáttunum lýkur með hlutaprófi og allir þrír koma til lokaprófs.

I. Fylgni og tengslastuðlar

Helstu efnisatriði

1. Almennt um mælitölur á tengsl breyta
2. Hlutfylgni (partial correlation); r_xy·z
3. Sveigfylgni (curvilinear correlation); η [eta]
4. Raðfylgni (rank order correlation); r_s [Spearmans ró]
5. Fí (phi coefficient); φ
6. Tá_b og tá_c (Kendall's tau); τ_b og τ_c
7. Lambda (Guttman's lambda); λ

II. Ályktunartölfræði: Öryggisbil og ályktanir í einum hópi

Helstu efnisatriði

1. Líkindafræði
2. Tilgátuprófanir
3. öryggisbil
4. z og t-próf í einum hópi

III. Ályktunartölfræði: Ályktun í tveimur hópum, kíkvaðrat og fleira

Helstu efnisatriði

1. z og t-próf í tveimur óháðum hópum
2. Parað t-próf
3. Kíkvaðrat (chi-square); χ²
4. Nokkur mikilvæg atriði í ályktunartölfræði og aðferðafræði

Fyrirvarar

• Allar upplýsingar eru veittar með venjulegum fyrirvara. áætlunin, námsmat og aðrir þættir námskeiðsins geta breyst þegar líður á misserið. Upplýsingunum er þó ætlað að gefa skýra og sem réttasta mynd af námskeiðinu í þeim tilgangi að auðvelda þér námið.
• Ýmis mikilvæg atriði eru tilkynnt munnlega í kennslustund. ég geri ráð fyrir að nemendur mæti í allar kennslustundir eða leiti upplýsinga hjá samnemendum.

Drög að dagskrá

© 2004 Guðmundur B. Arnkelsson