Valnámskeið í aðferðafræði 10.05.11

Yfirlit yfir námsefni og fyrirlestra haustið 1998

Kennari

Guðmundur B. Arnkelsson

Staður og tími

Stofa 204 í Odda á miðvikudögum kl. 15:15-18:00

Lesefni

Tabachnick, B.G., & Fidell, L.S. (1996). Using multivariate statistics (3. útgáfa). New York: Harper Collins.

Hartwig, F., & Dearing, B.E. (1979). Exploratory analysis. Sage university paper series on quantitative applications in the social sciences, 07-001. Beverly Hills and London: Sage.

Klockars, A.J., & Sax, G. (1986). Multiple comparisons. Sage university paper series on quantitative applications in the social sciences, 07-061. Beverly Hills and London: Sage.

Annað efni eftir ábendingum hverju sinni.

Námsmat og verkefni

Verkefni milli tíma sem ber að skila, munnlega eða í stuttaralegu skrifuðu máli eftir því sem við á. Þessi verkefni koma ekki til einkunna.

Þrjú skrifleg einstaklingsverkefni, sem koma til einkunna. Verkefnin miðast við að unnið sé úr gagnasöfnum sem nemendum eru fengin, unnið úr þeim og fullbúinni rannsóknarskýrslu skilað. Rannsóknarskýrsla samanstendur af inngangi, aðferðar-, niðurstöðu- og umræðukafla. Stærð og inntak einstakra kafla fer þó eftir eðli verkefnanna.

Skiladagar (tillaga): 23. sept., 21. okt. og 18. nóv. Skiladagur þriðja verkefnis miðast við (og er háður því) að endurskil verði leyfð.

Drög að dagskrá

Vika	Dagur	Efni
1	2. sept	Yfirlit yfir námskeiðið Aðferðir gagnakönnunar Rætt um hugmyndir sem liggja að baki gagnakönnun og mikilvægi þess að kynnast gögnunum myndrænt.
2	9. sept	Aðferðir gagnakönnunar Farið ítarlega í helstu myndrit sem gagnakönnun notast við, svo sem laufrit, kassarit og tregar línur.
3	16. sept	Forvinna gagna fyrir úrvinnslu Lýst þeim athugunum frumgagna sem nauðsynlegar eru sem undanfari tölfræðilegrar úrvinnslu og hvernig gagnakönnun getur nýst við þær.
4	23. sept	Yfirlit yfir aðfallsgreiningu Stutt yfirlit yfir aðfallsgreiningu, hugsunina á bak við hana, túlkun niðurstaðna og helstu aðferðir við framkvæmd.
5	30. sept	Mat á forsendum aðfallsgreiningar Greint frá þeim forsendum sem aðfallsgreining byggir á og hvernig megi prófa þær með notkun gagnakönnunar.
6	7. okt	Aðfallsgreining með flokkaðar frumbreytur Lýsing á aðfallsgreiningu sem almennu úrvinnslutæki. Kóðun flokkaðra frumbreyta kennd.
7	14. okt	Dreifigreining með MANOVA forritinu Lýst hvernig setja á einhliða dreifigreiningu upp í MANOVA og biðja um villugreiningu svipaða þeirri sem fæst í aðfallsgreiningu.
8	21. okt	Tvíhliða dreifigreining Lýst hvernig tvíhliða dreifigreining er sett upp með kóðun og í MANOVA.
9	28. okt	Dreifigreining með háðum frumbreytum Fjallað um valkosti við úrvinnslu dreifigreiningar með háðum frumbreytum og sú umræða tengd ólíkum aðferðum við aðfallsgreiningu.
10	4. nóv	Tilgátuprófun í dreifigreiningu Hvernig eru tilgátur prófaðar í dreifigreiningu og hvað felst í því að athuga óháða fyrirfram samanburði?
11	11. nóv	Margir samanburðir
12	18. nóv	Margir samanburðir
13	25. nóv	Aðstoð við verkefni